Eşîra Muziriyan êrîşî êzîdiyan kir


17 Resemî 2007

 

 

 

 

 

 

 

MÛSIL - Hate hînbûn ku bûyerên li navçeya Şêxanê derketin, piştî ku jineke misliman a ji ber pêkutiyên mêrê xwe ji malê reviyaye û eşîrê der barê wê de biryara kuştinê daye, derketine.

Hate ragihandin ku 2 ciwanên êzîdî yên di asayîşa Şêxanê de dixebitin, jina ji malê reviyayî, bi mebesta alîkariyê hildaye wesayîta xwe. Li ser vê yekê eşîretê biryara kuştina jina reviyayî û şewitandina wergeha pîroz a êzîdiyan 'Şêxanê' û gelek malên êzîdiyan daye.

Li gorî agahiyên hatine bidestxistin bûyerên li navçeya Şêxanê ya bi ser Mûsilê ye, piştî ku jinek misliman a ji ber pêkutiyên mêrê xwe ji malê reviyaye û 2 ciwanên êzîdî yên di Asayîşa Şêxanê de dixebitin ew hildaye wesayîta xwe, derketine. Li gorî agahiyan bûyer wiha qewimî: "Jinek ku hêj navê wê nayê zanîn ji ber zexta mêrê xwe 2 roj berî niha ji mala xwe reviya. Jinê li ser riyê ji bo alîkariya wê bikin wesayîtek ku 2 ciwanên êzîdî yên di Asayîşa Şêxanê de dixebitin, rawestand. Ciwan li ser vê yekê jinê dibin Asayîşa Şêxanê. Piştî agahiya malbatê pê çêdibe, jinê ji asayîşê dixwaze. Asayîş piştî hildana îfadeyan, jinê teslîmî malbatê dike." 

JIN HATE QETILKIRIN 

Piştî ku asayîşê jin teslîmî malbatê kir, li malê li ser mijarê civînek hate lidarxistin. Di civînê de biryara serjêkirina jinikê hate dayîn û înfaz bi cih hat. Hate zanîn ku rûspiyên ji eşîra Muziriyan civîneke duyemîn girêdidin û biryara kuştina her du ciwanan jî didin. Eşîr ji bo kuştinê, her du ciwanan ji Qaymeqamiya Şêxanê dixwaze. Lê ji ber ku jina reviyayî, di îfadeyê xwe de gotiye, tu eleqeya her du ciwanan bi wê tuneye, qaymeqamiyê ciwan nedan. Li ser vê yekê qaymeqam ji aliyê eşîrê ve bi mirinê hate tehdîtkirin. 

QAYMEQAM REVIYA 

Li ser kombûna endamên eşîrê ya li ber Qaymeqamiyê, Qaymeqam Nûman ku paşnavê wî nehat zanîn bi her du ciwanan re reviya Şaxa 20'emîn a Partiya Demokrata Kurdistan (PDK). Koma ku heta ber avahiya PDK'ê meşiya, piştî ji ber ewlehiyê nekarî tiştek bike, berê xwe da mala Rêberê Siyasî yê Êzîdiyan Mîr Tahsîn Beg. Li gorî şahidan, bûyerê wiha rûda: "Koma eşîrê piştî ji ber ewlehiyê nekarî bikevin hundirê Şêxanê 3 wesayitên Mîr Tahsîn Beg şewitandin. Dûre kom vedigere ber Navenda Çand û Hunerê ya Laleşê û wê derê bi tevahî dişewitînin." Her wiha bi sedan pêşmerge ji Duhok û Akreyê ber bi Şêxanê ve hatine birêkirin.

Rêberê Siyasî yê Êzîdiyan Mîr Tahsîn Beg ji rojnameya me re axivî û diyar kir ku wî nehiştiye ji êzîdiyan kes bersiva êrîşan bide. Tahsîn Beg wiha got: "Di nava hemû miletan de bêaqil û mirovên nebaş hene. Dibe ku êzîdiyan jî nebaşî kiribe. Lê divê em pirsgirêkê bi diyalogê çareser bikin. Em li benda qanûnê ne ka dê çi bêje." Tahsîn Beg got ku ew ne heval û alîgirên alozî û nexweşiyê ne.  

MALÊN WAN ŞEWITANDIN 

Piştre koma çekdar a eşîra Muziriyan Hola (avahî) Şehîd Huseynê Bavê Şêx ku ji bo êzîdiyan cihekî pîroz e, dişewitînin. Koma ku hêrsa xwe nagire, êrîş dibin ser malên her du ciwanên ku jina misliman hildane wesayîta xwe jî û dişewitînin. Ji ber ku mal hatiye valakirin, windahiya can çênebû. Koma êrîşkar li dû vê yekê berê xwe dide nav Bazara Şêxan û hovîtiya xwe li vir jî didomîne. Koma hov li vir jî 3 dikanên aydî êzîdiyan dişewitînin. 

Berpirsyarê Şaxa 20'em a PDK'ê, ya Şêxanê Ferîq Salih bûyer piştrast kirin û diyar kir ku bi armanca pêkanîna mesilhetê dê Serokê Hikûmeta Kurdistana Federal Nêçîrvan Barzanî biçe navçeyê. Li navçeya ku gengeşî rawestiyan, niha ji hêla hêzên asayîşê ve hatiye dorpêçkirin. Her wiha ketin û derketina navçeya Şêxan jî ji hêla asayîşê ve hate qedexekirin. 

Azîz KOYLUOGLU - Ertuş BOZKURT / DÎHA  

Cavkanî: Azadiya Welat


Alle Rechte vorbehalten. Der Inhalt dieser Seite dient exklusiv Ihrer persönlichen Information. Weiterverbreitung oder Verwendung jeglicher Art sind ohne besondere Genehmigung des Autors: Ferhun Kurt nicht zulässig. Insbesondere dürfen Nachdruck, Aufnahme in Online-Dienste und Internetvervielfältigungen auf Datenträger wie CD-ROM, DVD-ROM etc. nur nach vorheriger schriftlicher Zustimmung des Autors: Ferhun Kurt erfolgen. Bei Nichtachtung behält sich der Autor vor, rechtliche Schritte dagegen anzugehen.

 

News


Archiv


PÎRTÛKA "NASANDINA KEVNEŞOPÊN ÊZDIYATIYÊ" DERKET

 

 

 


Ein Test


Giringiya dîrok û şûnwarên Êzdiyan yên li herêma Hesenkêfê


DIJBERITIYA DINAVA OL Û NETEWEN LI KURDÎSTANÊ DE, DERIYÊN GELEK DERGEHÊN ME MORKIRINE  


REWŞA ÊŞÎRA ÇILKÎ (ÇÊLKÎ-K.T.)Û BECNEWÎ

 

 

 

 

Top
© Niviskar:  Ferhun Kurt 

 

 

Die chronologische Geschichte einer leiderprobten, kleinen Religionsgemeinschaft

 

 

 


Einfuehrung des Autors


Einleitung


Kapitel Eins


Kapitel Zwei


Kapitel Drei


Kapitel Vier


Anhang